8 «А» және 8 «Б» сыныптарында география пәнінен «Географиялық алаң» атты сайыс сабақ өткізілді. Сайыс сабақты география пәнінің мұғалімі Рәшхан Мәншүк ұйымдастырып, жоғары деңгейде жүргізді.

Сабақтың мақсаты – оқушылардың географиялық білімдерін тереңдету, картамен жұмыс жасау дағдыларын дамыту, дүниетанымын кеңейту және пәнге деген қызығушылығын арттыру.

Сайыс барысында оқушылар бірнеше кезең бойынша бақ сынады:

• «Бәйге» – жылдам сұрақ-жауап;
• «Карта сөйлейді» – картамен жұмыс;
• «Тапқыр болсаң, тауып көр» – логикалық және танымдық тапсырмалар;
• «Капитандар сайысы» – топ жетекшілерінің білімі сыналды.

Оқушылар белсенділік танытып, өз білімдері мен тапқырлықтарын көрсетті. Топтық жұмыс арқылы ұйымшылдық пен жауапкершілік қабілеттері дамыды.

Сайыс соңында жеңімпаз топ анықталып, марапатталды. Сабақ қызықты әрі тартымды өтіп, оқушыларға ерекше әсер қалдырды.

ДБЖЖО Сұлтанова Минара апайдың сөзі:

– Құрметті ұстаздар мен оқушылар! Бүгінгі 8 «А» және 8 «Б» сыныптары арасында өткен «Географиялық алаң» сайыс сабағы өте жоғары деңгейде ұйымдастырылды. Осындай танымдық әрі тартымды сабақтар оқушылардың пәнге деген қызығушылығын арттырып қана қоймай, білімдерін шыңдауға үлкен мүмкіндік береді.

География – дүниені танудың, жер шарын зерттеудің маңызды пәні. Бүгін сіздер өз білімдеріңізді, шапшаңдықтарыңыз бен ұйымшылдықтарыңызды көрсете білдіңіздер. Әр кезеңде белсенділік танытып, жақсы дайындықпен келгендеріңіз байқалды.

Осындай нәтижелі сабақты ұйымдастырған пән мұғалімі Рәшхан Мәншүкке алғысымды білдіремін. Алдағы уақытта да білім додаларында биік жетістіктерге жете берулеріңізге тілектеспін!

Баршаңызға сәттілік пен толағай табыс тілеймін!

ДТЖЖО Н. Нурмаганбетовтың сөзі:

– Құрметті ұстаздар мен оқушылар! Бүгінгі 8 «А» және 8 «Б» сыныптары арасында өткен «Географиялық алаң» сайыс сабағы мазмұнды әрі тартымды өтті. Мұндай білім сайыстары оқушылардың ой-өрісін кеңейтіп, білімге деген құштарлығын арттырады.

Сайыс барысында сіздер тек теориялық білімдеріңізді ғана емес, жылдамдықтарыңыз бен тапқырлықтарыңызды, топпен жұмыс жасау қабілеттеріңізді де көрсете білдіңіздер. Бұл – жан-жақты дамудың айғағы.

Осындай нәтижелі сабақты ұйымдастырған география пәнінің мұғалімі Рәшхан Мәншүкке алғысымды білдіремін. Білім жолындағы ізденістеріңіз тоқтамай, әрқашан биік белестерден көріне беріңіздер!

Баршаңызға сәттілік пен шығармашылық табыс тілеймін!